Shalan ko jen nankulkulba,
Shindan ko, naysukbabak,
Binmangonak, intodoy ko,
Naykarosak, ensahit may elpok,
Dinmayatak, intodoy ko.
Kinmapetak shi kadkad
Jet esogatanak tep egkek amta
Sebit kayam sot enigshian ko.
Ensahit pasya eya takday ko,
Egkak insas, naykarosak mowan.
Epoligak jet esahitanak jen shili.
Sinmahit e toktok ko tep naypagpagak.
Enmoli ak shi shalan ko,
Ninmangisak...
Tinmongawak jet niman kon inamtaan,
Edavi gayam da.
Egkak da maon-an e shalan kon mantudoy
Etig-enanak jet naha on-ngisngisngis
Naagangak pay, naha ontaho-tahot
Ngem eka-ekay ali, ninmiyal ail’y bulan
To numan sinelguan,
E shalan kon egkak on-an.
Jet dinmayatak,nan-akadak,
Enkatod na-nap ko e bado jen agsafa...